Në Vlorë u zhvilluan sot festime me rastin e 109 vjetorit të shpalljes së pavarësisë së Shqipërisë. Edhe në Kosovë u kremtua me veprimtari të shumta kulturore e artistike përvjetori i pavarësisë së Shqipërisë, që tradicionalisht është kremtuar si ditë e flamurit kombëtar shqiptar. Sekretari i Shtetit Anthony Blinken uron në emër të Shteteve të Bashkuara popullin e Shqipërisë me rastin e 109-vjetorit të Pavarësisë së vendit. Zyrtari i lartë amerikan i sëmundjes infektive Dr. tha Anthony Fauci tha sot se amerikanët duhet të jenë të përgatitur për të luftuar përhapjen e variantit të ri të koronavirusit, Omicron, por ai shtoi se është shumë herët për të thënë se çfarë veprimesh duhen marrë, duke përfshirë masat e mundshme izoluese. Ndërkohë një numër edhe më i madh vendesh po përballen me raste të këtij varianti.