Në Kosovë, qeveria i kërkoi parlamentit të shpallë gjendjen e jashtëzakonshme për shkak të krizës energjitike. Gjendja e jashtëzakonshme do t'i lejonte qeverisë vendosjen e masave të reja kufizuese. Në Tiranë, nisi sot diskutimi publik mbi hartën e re gjyqësore të vendit. Largimi i shumë gjyqtarëve dhe prokurorëve nga vetingu ka futur në emergjencë gjithë sistemin gjyqësor, i cili është mbingarkuar nga mijëra procese të prapambetura. Shtetet e Bashkuara janë mes disa demokracive perëndimore, që sipas grupeve të të drejtave të njeriut, kanë përjetuar një rënie graduale të institucioneve demokratike gjatë viteve të fundit.