Udhëheqësit e Francës, Gjermanisë dhe Italisë vizitojnë për herë të parë Kievin që nga fillimi i luftës. Tre vendet janë kritikuar që nuk kanë shprehur mbështetjen e duhur për luftën kundër Rusisë. Kievi shpreson që vizita të pasohet me më shumë armë e masa më të ashpra ndaj Moskës. Në Ohër, të Maqedonisë së Veriut nisi punimet forumi dy ditor 'Dialogu i Prespës' ku do të trajtohen çështje të sigurisë, energjisë integrimit të Ballkanit Perëndimor, e agresionit rus në Ukrainë. Në takimin marrin pjesë zyrtarë të lartë të vendeve të rajonit, të BE-së dhe të SHBA. Qindra pjesëtarë të Organizatës së Veteranëve të ish-Ushtrisë Çlirimtare të Kosovës protestuan kundër projektligjit për pagën minimale miratuar të martën në parlament.