Kryeministri i Kosovës, Albin Kurti, thotë se marrëveshja themelore mes Kosovës dhe Serbisë përmban një avancim drejt njohjes së ndërsjellë mes dy shteteve. Ai i bëri komentet pak ditë para takimit të radhës me presidentin të Serbisë, Aleksandër Vuçiç. Në Shqipëri, po shtohen me shpejtësi rastet e krimit nga te miturit. Të dhënat zyrtare flasin për përfshirjen e rreth 1600 të miturve në vepra penale, kryesisht ne vjedhje. Organizatat në mbrojtje të të drejtave të gazetarëve ngrenë shqetësimin se mediat turke që kanë kritikuar reagimin e qeverisë pas tërmetit, po përballen me gjoba dhe arrestime.