I dërguari evropian për bisedimet Kosovë–Serbi, Miroslav Lajçak, tha sot gjatë një interviste në Beograd, se pa themelimin e Asociacionit të komunave me shumicë serbe në Kosovë, “nuk ka marrëveshje” për normalizimin e marrëdhënieve ndërmjet tyre. Në Shqipëri KQZ nuk pranon kërkesën e Partisë Demokratike, me kryetar zotin Lulzim Basha për t’u regjistruar për zgjedhjet e 24 majit. Çështja pritet të ankimohet. Në El Salvador është ndërtuar një burg i ri i sigurisë së lartë, më i madhi në Amerikën Latine, në kuadër të përpjekjeve për të luftuar krimit dhe bandat kriminale. Projekti ka shkaktuar shqetësime, lidhur me shkeljen e të drejtave të njeriut.