Në Shqipëri, Prokuroria e Posaçme kundër krimit të organizuar dhe korrupsionit vendos në sekuestro preventive dy vila në bregdet, pas dyshimeve se ato kanë lidhje me ish zëvendëskryeministrin Arben Ahmetaj. Në Kosovë shënohet 24 vjetori i fillimit të fushatës së bombardimeve të NATO-s kundër forcave serbe. Përvjetori vjen në një kohë kur janë intensifikuar përpjekjet për normalizimin e marrëdhënieve mes Kosovës dhe Serbisë. Në një Intervistë me Zërin e Amerikës, kryeministri i Malit të Zi, Dritan Abazoviç, qeveria e të cilit humbi votëbesimin në gusht të vitit të kaluar, thotë se vendimi për ndërprerjen e mandatit të parlamentit, u takon deputetëve dhe jo presidentit.