Kryetari i ri i komunës së Mitrovicës së Veriut, Erden Atiq, mori sot detyrën, duke shënuar herën e parë që një kandidat joserb udhëheq me këtë komunë të banuar me shumicë serbe. Betimi i tij nxiti reagime të ashpra nga përfaqësuesit politik të serbëve të Kosovës dhe Beogradi zyrtar. Në një intervistë për Zërin e Amerikës, kryetari i Komisionit për Marrëdhënie me Jashtë, Senatori Bob Menendez thotë se zgjidhja mes Kosovës dhe Serbisë duhet të jetë e drejtë për të dyja palët . Ndër të tjera ai shprehu shqetësimin mbi mundësinë që krijimi i Asociacionit të Komunave me shumicë Serbe të sjell paqëndrueshmëri . Londra zyrtare përplaset me Gjykatën Evropiane të të Drejtave të Njeriut, për shkak të planit të saj për të dërguar në Ruandë migrantët që ndodhen në Britani për të kërkuar azil.