Në Kosovë, Banka Qendrore ka hapur një linjë të veçantë telefonike për t’i informuar qytetarët serbë rreth çështjes së dinarit serb. Çështja e dinarit ishte temë e debatit të mbrëmshëm ndërmjet Kosovës dhe Serbisë në Këshillin e Sigurimit të Kombeve të Bashkuara. Në Shqipëri, komisioni i posaçëm për reformën zgjedhore dëgjon propozimet nga organizatat joqeveritare, që vëzhgojnë proceset zgjedhore. Në Shtetet e Bashkuara prokurori i posaçëm i ngarkuar me hetimin për dokumentat e klasifikuara që kishte marrë presidenti Joe Biden nuk ngriti akuza ndaj tij. Megjithatë prokurori ngjalli reagimin e zemëruar të zotit Biden, me komentet për kujtesën e presidentit.