Kryeministri i Kosovës Albin Kurti tha sot se marrëdhëniet me Shtetet e Bashkuara janë të mira me gjithë mospajtimet për disa çështje. Komentet e tij pasuan deklaratat e zyrtarëve amerikanë të cilët thanë se mungesa e bashkërendimit të qeverisë së Kosovës me Shtetet e Bashkuara lidhur me rregulloren që ndalon dinarin serb, tashmë ka ndikuar në cilësinë e partneritetit ndërmjet të dy qeverive. Në Shqipëri po përhapet me shpejtësi në radhët e të miturve dhuna on line, e cila në mjaft raste përshkallëzohet deri në konflikte fizike në ambjentet shkollore. Autoritetet kanë shtuar përpjekjet për parandalimin e pasojave thane se po punojnë për plotësimin e boshllëqeve ligjore në varësi të zhvillimeve teknologjike. Nëna e udhëheqësit të opozitës ruse Alexei Navalny, I cili vdiq te premten, nuk u lejua sot të merrte trupin e të birit.