Bashkimi Evropian konfirmoi sot pjesëmarrjen e zyrtarëve të Kosovës dhe Serbisë në takimin e 27 shkurtit në Bruksel, për çështjen e përdorimit të dinarit serb, që ka ngjallur shqetësime për situatën në vend. Nga Serbia është konfirmuar se ekipin serb do ta udhëheqë kryenegociatori Petar Petkoviç ndërsa nga Kosova pritet të marrin pjesë zyrtarë të Bankës Qendrore të Kosovës. Në Shqipëri, ndërsa Gjykata Kushtetuese pritet të zbardhë vendimin e saj për ndërtimin e hidrocentalit të Skavicës, korrespondentja jonë në Tiranë, i hedh një vështrim argumenteve të paraqitura në Gjykatën Kushtetuese nga të dyja palët bazuar në videot nga senaca në Kushtetuese. Parlamenti hungarez miratoi sot anëtarësimin e Suedisë në NATO, duke hequr pengesën e fundit që vendi nordik t’i bashkohet alenacës.