Në Shqipëri, edhe protesta e sotme e mbështetësve të opozitës para Bashkisë së Tiranës për të kërkuar dorëheqjen e kryebashkiakut Erion Veliaj, u shoqërua me hedhjen e molotovëve drejt hyrjes kryesore të godinës. Përpjekjet e këshilltarëve të opozitës për të hyrë në mjediset e brendshme, u penguan nga forcat e shumta të policisë të rreshtuara rreth ndërtesës. Protestat e studentëve pro-palestinezë po vazhdojnë edhe sot në universitetet amerikane. Gjatë protestave në gjithë vendin janë arrestuar qindra persona. Universiteti i Kolumbias në Nju Jork, po vazhdon bisedimet me studentët që po protestojnë prej 10 ditësh. Aborti është bërë një temë qendrore e fushatës elektorale në Shtetet e Bashkuara. Presidenti Biden fajëson zotin Trump se i hapi rrugën kufizimeve ndaj abortit ndërsa ish- Presidenti thotë se vendimet për abortin duhet t’u lihen legjislaturave të shteteve.