Në Kosovë, pjesa më e madhe e punonjësve të arsimit parauniversitar dhe institucioneve shëndetësore, të premten ishin në grevë me kërkesën për zbatimin e kontratës kolektive të nënshkruar një vit më parë me qeverinë nëpërmjet së cilës synohet përmirësimi gjendjes në këta sektorë. Sindikatat e arsimit dhe shëndetësisë thanë se greva e së premtes është paralajmërimi i fundit për qeverinë e cila ndërkaq ka kërkuar mirëkuptimin e tyre të paktën deri në mesin e këtij viti kur bëhet edhe rishqyrtimi i buxhetit të Kosovës.