Ambasadorja amerikane në Kosovë, Tracey Jacobson, tha sot në Prishtinë se zgjidhja e situatës politike duhet te gjendet nga të zgjedhurit e qytetarëve dhe jo me ndërhyrje nga jashtë. Ajo tha se i mbështet përpjekjet e Presidentes së Kosovës, Atifete Jahjaga për të gjetur një zgjidhje që do të mundësonte formimin e institucioneve të reja të dala nga zgjedhjet e tetë qershorit. Presidentja edhe sot ka vazhduar takimet me udhëheqësit e partive politike në Kosovë.