Në Kosovë, presidentja Jahjaga u bëri thirrje udhëheqësve politikë që të shohin përtej interesave të tyre dhe të tejkalojnë çdo pengesë për ndërtimin e institucioneve të reja. Ajo ka tërhequr vërejtjen se zvarritja e ndërtimit të institucioneve po vazhdon të pengojë funksionimin e shtetit. Ndonëse tashmë ka një pajtim për zgjedhjen e organeve drejtuese të Parlamentit të Kosovës, çështja mbetet tek debatet e partive politike për krijimin e qeverisë.
