Lidhje

Kosovë: Shkon në 165 numri i të prekurve nga COVID-19


Instituti Kombëtar i Shëndetësisë Publike tha të hënë mbrëma se janë konfirmuar edhe 20 raste të reja të të infektuarve me koronavirus.

Sipas institutit 17 janë nga komuna e Malishevës, 1 nga Suhareka, një nga Drenasi dhe një nga Prishtina.

Që të gjitha janë persona që ishin në kontakt me rastet e konfirmuara më herët si të prekur nga COVID-19.

Rastet e fundit e çuan në 165 numrin e përgjithshëm të të infektuarve nga të cilët 24 janë shëruar.

Mëngjesin e së hënës autoritetet thanë se dy persona vdiqën nga pasojat e koronavirusit duke e çuar në tre numrin e të vdekurve.

Në një njoftim të ministrisë thuhej se në orën 3 vdiq një burrë nga Prishtina i lindur në vitin 1961 i cili vuante nga diabeti. Ndërsa rreth orës 7 vdiq një grua nga fshati Korishë i komunës së Prizrenit e lindur në vitin 1950. Sipas ministrisë edhe ajo vuante nga disa sëmundje kronike.

Rastet e sotme e çuan në tre numrin e të vdekurve, Ditë më parë nga pasojat e virusit vdiq një 82 vjeçar nga komuna e Podujevës.

Por, në të dhënat e Institutit Kombëtar nuk përfshihen edhe rastet e të infektuarve nga radhët e komunitetit serb.

Sipas zyrtarëve lokal të komunave me shumicë serbe në ato mjedise janë konfirmuar 33 të prekur ndërsa një ka vdekur derisa po kurohej në një spital në qytetin e Nishit në Serbinë jugore.

Facebook Forum

XS
SM
MD
LG