Në Shqipëri, gjykata e Apelit në Shkodër vendosi sot dënimin me 3 vjet burg për ish kryetarin e Bashkisë së Lezhës Fran Frrokaj dhe ish kryetarit të qarkut Gjok Ndoka, për abuzime me pronat.
Dënime u dhanë dhe për 16 persona të tjerë, ish zyrtarë vendor dhe qytetarë të përfshirë në tjetërsimin e një sipërfaqeje prej mbi 230 mijë metrash katrorë në bregdetin e Shëngjinit. Ata u arrestuan në vitin 2018, dhe ndaj tyre ishte dhënë më parë dënimi me burg dhe nga Gjykata e shkallës së parë.
Lexoni edhe këtë
Në pranga kryebashkiaku i Lezhës për abuzime me pronatFrrokaj, ishte zgjedhur në krye të Bashkisë së Lezhës si kandidat i Partisë Demokratike, ndërsa Ndoka i partisë socialiste. Që të dy, së bashku me ish zyrtarë të tjerë vendorë në Lezhë, u vunë nën akuzë tre ditë më parë dhe nga Prokuroria e posaçme kundër Korrupsionit dhe Krimit të Organizuar, për një tjetër rast të ngjashëm. Ata akuzohen për “Shpërdorim detyre” në rastin e tjetërsimit të afro 66 mijë metrave katrorë, po në bregdet, me një vlerë prej 13 milionë eurosh.
Lexoni edhe këtë
Tjetërsuan toka në bregdet, të pandehur dy ish drejtuesit më të lartë vendor në Lezhë